Раздзел “Мой любы кут, мой родны люд” змяшчае стэнды, якія расказваюць пра гісторыю школы і яе настаўнікаў, пра гісторыю вёскі Ярэмічы і калгаса імя Царука, пра Героя Сацыялістычнай Працы Моката Аляксандра Міхайлавіча. На сцелажах знаходзяцца школьныя прыналежнасці розных часоў, падручнікі, а таксама альбомы і папкі з фотаздымкамі. Фотаздымкі выклікаюць вялікую цікавасць ў вучняў, бо тут можна знайсці не толькі сваіх бацькоў, але і бабуль з дзядулямі, а яшчэ яны часта выкарыстоўваюцца пры падрыхтоўцы і правядзенні вечара сустрэч з выпускнікамі.
Цікавасць выклікаюць мінералы, глебы, ракушкі, значкі і грашовыя знакі, а тэхніка, якая радавала бацькоў. Фільмаскопы, кадаскопы, магнітафоны, радыёпрыёмнікі і тэлевізары выклікаюць здзіўленне і пераконваюць у імклівасці навукова-тэхнічнай рэвалюцыі.
