У гэтым раздзеле сабраны прадметы хатняга ўжытку, прылады працы гаспадара і гаспадыні: маслабойкі, ступа , гліняны посуд,ранейшы і сучасны, прасы і качалкі. Асобна стаяць лапці: кавярзні, шчарбакі і посталы.
Цікавасць выклікаюць калекцыя саматканак, вырабленых ў першай палове ХХ стагоддзя і прылады працы, якія дапамагалі льну і воўне прайсці доўгі шлях да такой прыгажосці.
Вабяць вока вырабы з саломы, драўляныя скульптуркі, дзіцячыя цацкі і шкатулкі і вышыванкі. Усе экспанаты маюць сваю гісторыю і свой узрост, але ўсе яны сведчаць пра бязмежны талент нашага народа, і пра кожны з іх можна сказаць: “Гэта мастацтва дабра і хараства”. Гульня “Загадкі з кошыка” дапамагае падтрымліваць цікавасць да экспанатаў.
